პროფესიული განათლების მასწავლებელთა მეორე საერთაშორისო კონფერენცია „გლობალური ჰორიზონტები პროფესიულ განათლებაში: შემოქმედებითობა, თემი და ინტერნაციონალიზაცია“ მომხსენებლებისთვის, ფასილიტატორებისთვის და მონაწილეებისთვის სიგელების გადაცემით დასრულდა.
კონფერენციაში მონაწილეობდნენ საერთაშორისო და ადგილობრივი საგანმანათლებლო დაწესებულებების წარმომადგენლები, პროფესიული განათლების მასწავლებლები და ექსპერტები, რომლებმაც ინოვაციური პრაქტიკები, საერთაშორისო გამოცდილება და პროფესიული განათლების განვითარების თანამედროვე ხედვები განიხილეს.
საერთაშორისო კონფერენციის უცხოელი სტუმრები:
• რობერტო ბრილი – ქალაქ მილანის სტუმარმასპინძლობის „კარლო პორტა“ -ს სახელმწიფო პროფესიული ინსტიტუტის პროგრამების კოორდინატორი, პროფესორი
• ანა რიბეირო – ავეიროს პროფესიული სასწავლებელი (პორტუგალია), საერთაშორისო ურთიერთობების მენეჯერი
• მარია რაშკოვსკა – ნიკოლა კარევის პროფესიული სასწავლებელი (ჩრდილოეთ მაკედონია), გლობალური კარიერის განვითარების ფასილიტატორი, კარიერის მართვის მენეჯერი
• პაოლო დიოტალევი – სპოლეტოს სტუმარმასპინძლობის ინსტიტუტის „დე კაროლისის“ (იტალია) მასწავლებელი, პროგრამა სარესტორნო მომსახურების პროგრამის ხელმძღვანელი.
კოლეჯ ,,ბლექსსა“ და ავეიროს პროფესიული სასწავლებელს შორის ურთიერთთანამშრომლობის მემორანდუმის გაფორმდა. გაიმართა პანელური დისკუსია თემაზე: პროფესიული განათლება საქართველოში
კონფერენცია “ბლექსის“ და “ახალი ტალღის“ ორგანიზებით ჩატარდა.
კონფერენცია აჭარის ა.რ განათლებისა და სპორტის სამინისტროს დაფინანსებით განხორციელდა, მხარდაჭერილი იყო საქართველოს განათლების, მეცნიერების და ახალგაზრდობის სამინისტროს მიერ.
