დათუნა მიქაუტაძე- კოლეჯ „ბლექსის“ შუახევის მისამართზე, პროფესიული საგანმანათლებლო პროგრმაზე- „შედუღება“ სწავლობდა. ამჟამად საფრანგეთის ერთ-ერთ დიდ ქარხანაში METAL 44-შია დასაქმებული. მანამდე კოლჯში სწავლის დასრულებისთანავე „სოკარ გაზ ჯორჯიაში“ დასაქმდა. ამბობს, რომ სურდა პროფესიონალი შემდუღებელი გამხდარიყო და საზღვარგარეთ დასაქმებულიყო. ამ სურვილის ასრულებაში კი კოლეჯი „ბლექსი“ დაეხმარა. „ ყოველთის მინდოდა რომ ჩემს საქმეში მაქსიმუმს მიმეღწია. მემუშავა დიდ ქარხნებში ან ნავთობ მომპოვებელ პლათფორმაზე შემდუღებლად. შეუძლებელია საზღვარგარეთ მოყვარულმა შემდუებელმა დასაქმდეს. სწორედ კოლეჯში ნასწავლმა და მიღებულმა დიპლომმა განაპირობა ჩემი საზღვარგარეთ დასაქმება. რომ არა კოლეჯი „ბლექსი“ ალბათ ვერ ვიქნებოდი ისეთი პროფესიონალი როგორიც ეხლა ვარ“ . იხსნებეს კოლეჯში სწავლის პერიოდს: „ბათუმში ვცხოვრობდი. თითქმის ყოველ დღიურად ბათუმიდან შუახევში დავდიოდი. ამ ყველაფერში დავით ( დავით კონცელიძე) მასწავლებელი მეხმარეობდა, რადგანაც ისიც ბათუმიდან შუახევში დადიოდა. დიდი ბედნიერება იყო ჩემთვის იქ ყოფნა.“ სამომავლო გეგმებიც გაგვიზიარა - „მინდა კიდევ უფრო განვითარდე. მაქვს სამუშაო ვიზა და მსურს კანადაში მუშაობის დაწყება, რდგან ანაზღაურება მაღალია.

ვაგრძელებთ რუბრიკას👨‍🎓👨‍🏫 „კოლეჯის სტუდენტობიდან კოლეჯის პედაგოგობამდე“ და წარმოგიდგენთ სსიპ კოლეჯის „ბლექსი“ კულინარიის ხელოვნების მოდულური პროგრამის მასწავლებელს, დუალური პროგრამის ინსტრუქტორსა და სასტუმროს „რედისონ ბლუ ბათუმი“ სუ-შეფს👨‍🍳 ანდრეი კუჭუხიძეს. ✔️„დაუზოგავი შრომა დამჭირდა წარმატების მისაღწევად. ყოველი გადადგმული ნაბიჯი იყო რთული და პასუხისმგებლობით სავსე. თუმცა, ყოველთვის გააზრებული მქონდა, რომ ეს არ არის ჩემი შესაძლებლობების მაქსიმუმი და კვლავ ვაგრძელებდი სწავლას. ვფიქრობ, ამ ეტაპზეც წარმატების დასაწყისში ვიმყოფები. ✔️ბლექსს აქვს დიდი შესაძლებლობა თითოეული სტუდენტი გახადოს წარმატებული რისთვისაც საჭიროა გინდოდეს, ინდომებდე და მიზანი დაისახო“ !!! ✔️ამ ეტაპზე ანდრეი სასტუმროში „რედისონ ბლუ ბათუმი“ კულინარიის ხელოვნების დუალური პროგრამის 5 პროფესიული სტუდენტის ინსტრუქტორია. იგი წარმატებით ახორციელებს დაგროვებული ცოდნის, უნარების გაზიარებასა და სტუდენტების პროფესიულ განვითარებას.

👉 ვაგრძელებთ რუბრიკას „წარმატებული კურსდამთავრებული“ და წარმოგიდგენთ მზარეულის პროგრამის👩‍🍳 კურსდამთავრებულ მარიამ ჭაღალიძეს. მარიამი სულ რაღაც 1️⃣9️⃣ წლისაა და უკვე სასტუმრო ჰილტონ ბათუმის – commis chef-ია. ➡️იგი 2017 წელს შემოუერთდა ბლექსის დიდ ოჯახს და დაიწყო სწავლა მზარეულის პროგრამაზე. ➡️„იყო მომენტი როცა არჩევანის წინაშე დავდექი, ვიყავი აბიტურიენტი და ჩემს ირგვლივ ყველა ელოდებოდა უმაღლეს სასწავლებელში ჩემს სტუდენტობას.👩‍🎓 თუმცა, ბაზრის მოთხოვნისა და მოკლე პერიოდში დასაქმების უპირობო პერსპექტივის გამო გადავწყვიტე კოლეჯში ჩაბარება“. ➡️მარიამი სწავლის პერიოდში გამოირჩეოდა მაღალი აკადემიური მოსწრებითა და სხვადასხვა აქტიობებში ჩართულობით. იღებდა მონაწილეობას კოლეჯის მიერ ორგანიზებულ ღონისძიებებს, ფესტივალებსა და კონფერენციებში. ➡️პრაქტიკის შემდეგ კარიერაში პირველი ნაბიჯები – “პიაცაპაბსა” და “ლა ბრიოშში” გადადგა. მტკიცე ხასიათით, შრომისმოყვარეობითა, მიზანდასახულობით იკვლევდა გზას და არ უშინდებოდა დაბრკოლებებს, სწორედ ამიტომ საკუთარი თავისგან იმაზე მეტი მიიღო რასაც ელოდა და მომავალში უფრო მეტის მოლოდინით აგრძელებს ცოდნის გაღრმავებას. ➡️„მომავალ სტუდენტებს ვეტყოდი: კოლეჯი იძლევა წინსვლისა და წარმატების საშუალებას. მთავარია მოინდომოთ. წარმატება თავისით არ მოდის, შენ ყველაფერი უნდა გააკეთო იმისთვის რომ საკუთარი თავი გააუმჯობესო და წარმატებაც თავისით გიპოვის“.

2017 წელს დაასრულა სსიპ კოლეჯის ,,ბლექსი“ სასტუმრო საქმისმწარმოებლის სპეციალობა. ედნარი სმენადაქვეითებულია. კოლეჯში მისი მეუღლის დახმარებით მოხვდა. საწარმოო პრაქტიკაზე სასტუმრო ,,ჰილტონში“ განაწილდა. ,,ძალიან კმაყოფილი ვარ კოლეჯში სწავლით, ჰაუსქიფინგის მოდული შევისწავლე. ჩემს პედაგოგებს ძალისხმევა არ დაუშურებიათ, რომ სასტუმროს სპეციფიკა შემესწავალა. კოლეჯის ადმინისტრაციამ, პედაგოგებმა, ჟესტური ენის პედაგოგებმა დაგვარწმუნეს მე და ჩემი მეუღლე, რომ შეუძლებელი არაფერია, რომ არ არსებობს შეუზღუდავი სივრცე შშმ პირებისთვის“. ,,დღეს ვმუშაობ, ძალიან მომწონს ,,ჰილტონში“ მუშაობა, კმაყოფილი ვარ იმ გარემოთი, რაც აქ არის. სასტუმროს პერსონალი ძალიან მეხმარება, ცდილობენ ჩემთან კომუნიკაცია დაამყარონ და მუშაობაშიც დამეხმარონ. ურთიერთპატივისცემა გვაქვს. მომწონს აქაური გარემო და ვამაყობ, რომ ,,ჰილტონის“ თანამშრომელი ვარ“ – ედნარმა გაზეთ ,,ნეტგაზეთის“ ინტერვიუში განაცხადა“. ციტატის , ინფორმაციის ნაწილი გამოყენებულია – http://netgazeti.ge/ ვებ.გვერდიდან

სალომე 27 წლისაა და ქ. ბათუმის მაცხოვრებელია. მან 2014 წელს დაამთავრა სსიპ კოლეჯის ,,ბლექსი“ სამკერვალო ნაწარმის სპეციალისტის სპეციალობა. სალომე დღეს ინდივიდუალური მეწარმეა. გახსნა სამკერვალო ატელიე ,,სალომეა“ და აქტიურად თანამშრომლობს კოლეჯთან. ,,კოლეჯში მეგობრის რჩევით მივედი, რომელსაც ყოველთვის მოსწონდა ჩემი ნამუშევრები და მირჩევდა განათლება პროფესიული კუთხით მიმეღო. მეც ვთვლიდი, რომ მონაცემები მქონდა, პროფესიონალების დახმარება და განათლება მესაჭირეობოდა. არ შევმცდარვარ არჩევანში. კოლეჯში საუკეთესო გარემო და პროფესიონალების გუნდია, რომლებიც ყოველთვის მზად არიან დახმარებისთვის. კოლეჯის დამთავრების შემდეგ ამ გუნდის დახმარებით გავხსენი სამკერვალო ატელიე და ქალაქში ის ერთ-ერთი წარმატებულია. დღეს ,,სალომეა“ ,,ბლექსის“ პარტნიორია. ვთანამშრომლობ კოლეჯთან პროფესიული სტუდენტების საწარმოო პრაქტიკის უზრუნველყოფილის მიზნით“.

თორნიკე მარშანიშვილი – 20 წლის ქ. ლანჩხუთის მაცხოვრებელია. 2017 წელს დაამთავრა კოლეჯის ,,ბლექსი“ ბართენდერის მოდულური პროგრამა, სწავლების პერიოდში დაიწყო მუშაობა კაფე-ბარში ,,პრივეტ იზ ბატუმა“ და დღეს მათი თანამშრომელია. იგი სწავლების პერიოდში აქტიურად მონაწილეობდა სხვადასხვა ღონისძიებებსა და კონკურსებში. იყო სტუდენტთა საინიციატივო ჯგუფის წევრი, გამოირჩეოდა უდიდესი შრომისმოყვარეობით, თავაზიანობითა და პასუხისმგებლობით. თორნიკე ,,ბართენდერის“ მოდულურ პროგრამაზე სწავლების პერიოდში პრაქტიკულ უნარებთან ერთად ზოგად კომპეტენციებსაც დაეუფლა. საკუთარი ინიციატივით გაიარა გასაუბრება კაფე – ბარის მენეჯერთან და შეძლო მისი დარწმუნება, რომ მიუხედავად იმისა, რომ სტუდენტი იყო, შეძენილი ჰქონდა ისეთი პრატიკული უნარები, რომ მასზე დაკისრებულ მოვალეობას თავს გაართმევდა. ,,მიხარია, რომ არჩევანი სსიპ კოლეჯზე ,,ბლექსი“ გავაკეთე. ჩემი მეგობრებისგან ვიცოდი, რომ კოლეჯში საუკეთესო პრაქტიკული გამოცდილების პედაგოგები და კარგი ატმოსფერო იყო, კოლეჯის შეთავაზებული პირობებით და სწავლების ხარსიხით ძალიან კმაყოფილი დავრჩი. კოლეჯმა ბევრი რამ მასწავლა, კარგი ცოდნა და პრაქტიკული გამოცდილება წამოვიღე მათგან, დღეს დასაქმებულიც ვარ, ჩემს საყვარელ საქმიანობას ვემსახურები და ვდილობ დავიცვა ბართენდერი წესები: ბარში მოსული სტუმარი – შენი სტუმარია, იმიტომ, რომ შენ თითოეულის მეგობარი ხარ, შენზეა დამოკიდებული მათი გუნება – განწყობილება, შენ ქმნი ბარში მეგობრულ და თბილ ატმოსფეროს, შენ ზრუნავ მოსულ სტუმარზე, რომ მოგვიანებით დაბრუნდეს სახლში ოდნავ უფრო ბედნიერი, სანამ შენთან მოვიდოდა. შენ ზრუნავ ბარის რენტაბელურობაზე – ეს ხომ შენი შემოსავალიცაა. შენ თუ მუშაობისას სიამოვნებას ღებულობ, დრო ისე გაირბენს, რომ ვერც კი მიხვდები, რომ სამუშაო საათები ამოიწურა და ბარის დაკეტვის დროც დადგა.“