ქვეყნის დაახლოებით 43.2% ტყეს უკავია. მსოფლიოს ტყეები „გამოიმუშავებენ“ ატმოსფეროში არსებული ჟანგბადის 50%-ს. 1 საათში 3 ლიტრი სასმელი წყალი უმიზეზოდ იხარჯება. სასმელი წყლის რესურსი კი ამოწურვადია. ამ მხრივ კოლეჯი „ბლექსი“ ცდილობს ცნობიერების ამაღლების მიზნით სხვადასხვა აქტივობა განახორციელოს.
პროფესიული სტუდენტებისა და პროფესიული განათლების მასწავლებლის თამარ ჭაღალიძის ორგანიზებით, ტყისა და წყლის მნიშვნელობის, საფრთხის და დაცვის ცნობიერების ამაღლების მიზნით ღონისძიება ჩატარდა. პროფესიული საგანმანათლებლო პროგრამის (ინტეგრირებული) “სასტუმრო მომსახურების” პროფესიულმა სტუდენტებმა პრეზენტაციები წარმოადგინეს.
შეხვედრა ინტერაქციული იყო, ერთად ვიმსჯელეთ რა ნაბიჯები უნდა გადადგას ადამიანმა ტყეების მოვლისთვის და წყლის რესურსის დასაზოგად.
