გაგაცნობთ კოლეჯ ,,ბლექსის” წარმატებულ კურსდამთავრებულ ნიკა (ნიკოლას) ბაკურიძეს. ნიკა ,,კულინარიის ხელოვნების” პროფესიულ პროგრამაზე სწავლობდა. სწავლის პარალელურად დასაქმებული იყო სხვადასხვა ორგანიზაციაში. ამჟამად მისი სამუშაო ადგილი ,,ფიროსმანი ექსპრესია”.
კულინარიის სიყვარული ნიკასთვის ბავშობიდან იწყება. ,, მიყვარდა კერძების მომზადება და ექსპერიმენტები ჩატარება. როცა ვხედავდი, როგორ უხაროდათ ჩემი მომზადებული კერძების მირთმევა, მივხვდი, რომ ეს ის საქმეა, რაც მახარებს და მინდა პროფესიონალი გავხდე,”-ამბობს ნიკა.
მისთვის კულინარია ხელოვნებაა ,, განსხვავებული ინგრედიენტების შერწყმა, გემოს თამაში და კერძებით ადამიანებისთვის სიამოვნების მინიჭება– ეს მაძლევს დიდ მოტივაციას,”- გვითხრა ნიკოლას ბაკურიძემ,
კოლეჯის შესახებ სასწავლებლის კურსდამთავრებულებიდან და კულინარიის სფეროში დასაქმებულებისგან გაიგო. მიაჩნია, რომ ,,ბლექსიში” მეგობრული გარემოა ,,ადგილი სადაც შეგიძლია განვითარდე. სწორედ, ამიტომ გადავწყვიტე, რომ ,,ბლექსი’’ იქნებოდა იდეალური ადგილი ჩემი პროფესიული გზის დასაწყებად”,- ამბობს ნიკოლასი.
დიდი გეგმები აქვს- საკუთარი რესტორნის გახსნა. ,,ისეთი ადგილი მინდა შევქმნა, სადაც ადამიანები მენიუთი და ატმოსფეროთი გემრიელ ემოციებს მიიღებენ. მინდა ჩემთან მოსულმა ადამიანებმა თითოეულ კერძში ჩემი შრომა, სიყვარული და შემოქმედება იგრძნონ.“- ამბობს ნიკა ბაკურიძე
