პროფესიული მომზადების პროგრამის მიზანია უზრუნველყოს შრომის ბაზრისთვის კონკურენტუნარიანი, კვალიფიციური მევენახის მომზადება, რომელიც დაკისრებულ მოვალეობას შეასრულებს ხარისხის, შრომისა და უსაფრთხოების ნორმების დაცვით. პროგრამის მიზანია კურსდამთავრებულმა შეძლოს ვაზის ძირითადი საწარმოო ჯიშების და სახეობების გარჩევა, აჭარის მაღალმთიანი რეგიონისთვის დამახასიათებელი რელიეფის და ეკოლოგიური ფაქტორის გათვალისწინებით სავენახე ნიადაგის დამუშავება, ვაზის დაცვა დაავადებებისა და მავნებლებისგან, ვენახის აგროტექნიკური ღონისძიებების ჩატარება და რთველის ორგანიზება.
კურსდამთავრებულს შეუძლია:
-ვაზის ძირითადი საწარმოო ჯიშების და სახეობების გარჩევა;
-სავენახე ნიადაგის დამუშავება;
-ვაზის დაცვა დაავადებებისა და მავნებლებისგან;
-ვენახის აგროტექნიკური ღონისძიებების ჩატარება;
-რთველის ორგანიზება.
