პროფესიულ საგანმანთლებლო პროგრამაზე ,,ანაკრები და მონოლითური კონსტრუქციების მონტაჟი“ შუალედური შეფასება ხელვაჩაურში ჩატარდა. შეფასება მოიცავდა თეორიულ, ასევე პრაქტიკულ კომპონენტს.
პროგრამაზე სწავლება 2 წლის განმავლობაში მიმდინარეობს. სამშენებლო კონსტრუქციების მოწყობაში საბაზო პროფესიული კვალიფიკაციის მქონე პირი, შეიძლება დასაქმდეს სამოქალაქო და სამრეწველო შენობანაგებობების მშენებლობაზე ღია სივრცესა და სიმაღლეზე. ის შეიძლება იყოს თვითდასაქმებული ან დასაქმდეს სხვადასხვა ტიპის სამშენებლო-სარემონტო და დიზაინერულ კომპანიებში, სახელმწიფო ან კერძო საწარმო-დაწესებულებაში, რომელთა საქმიანობა დაკავშირებული იქნება შენობა-ნაგებობის
მშენებლობასთან (მონოლითური, ანაკრები), მის რეკონსტრუქცია-გაძლიერებასთან. მას სამუშაოების შესრულება მოუწევს სხვადასხვა კლიმატის პირობებში. დასაქმების პოზიციები შესაძლებელია იყოს: მონოლითური კონსტრუქციების (საძირკველი, როსტვერკი, კედელი, სვეტი, გადახურვის ფილა და ა.შ.) მომწყობი; ანაკრები კონსტრუქციების (საძირკველი, სვეტი, ფილა, რიგელი, კოჭი და ა.შ.) მემონტაჟე, სამუშაო რგოლის უფროსი; ბრიგადის უფროსი.