საერთაშორისო კონფერენცია 2024

პროფესიული განათლების გულშემატკივრებისთვის განვაგრძობთ ინფორმაციის მოწოდებას  პროფესიული განათლების მასწავლებელთა საერთაშორისო კონფერენციაზე განხილული თემების შესახებ.

,,დუალური პროგრამის წარმატების საიდუმლო კოლეჯსა და სასტუმროს შორის მჭიდრო თანამშრომლობაშია“-  ნათია სტამბოლიშვილი,  კომპანია ,,Marriott“, HR ლიდერი ნათია სტამბოლიშვილი  საერთაშორისო  კონფერენციის  ,,პროფესიული განათლების მიღწევები, გამოწვევები და პერსპექტივა (პროფესიული განათლების მასწავლებელი სამუშაოზე დაფუძნებულ სწავლებაში)“   მომხსენებელი იყო.

კომპანია ,,Marriott“-ის  HR ლიდერმა კონფერენციის მონაწილეებს გაუზიარა დუალური პროგრამების განხორციელების გამოცდილება და მიღწევების პარალელურად ისაუბრა არსებულ გამოწვევებსა და მათი გადაჭრის გზებზე. დუალური პროგრამების განხორციელების ხარისხის გაუმჯობესების მიზნით ნათია სტამბოლიშვილმა გამოკვეთა შემდეგი საჭიროებები:

  1. პროგრამის განმახორციელებელთა (კოლეჯი და კომპანია) შორის ეფექტური კომუნიკაციის ხელშეწყობის მიზნით პროფესიული სტუდენტის ჩანაწერების ჟურნალის გაციფრულება, რომელზეც წვდომა ექნებათ კომპანიას, კოლეჯსა და პროფესიულ სტუდენტს.
  2. კომპანიათა გააქტიურების საჭიროება  დუალური პროგრამების პოპულარიზაციის მიზნით, მეტი ჩართულობა პროფორიენტაციის პროცესში.
  3. პროგრამაში ინსტრუქტორთა ჩართვისა და გადამზადების სისტემური პოლიტიკას ჩამოყალიბება;
  4. პროფესიულ სტუდენტთა ანაზღაურების პოლიტიკის გადახედვა და მზარდი სახელფასო პოლიტიკის შემუშავება.

ინფორმაციისთვის  კომპანია ,,Marriott“-ის  HR ლიდერს დუალურ პროგრამებთან მიმართებით კოლეჯთან თანამშრომლობის ექვსწლიანი გამოცდილება გააჩნია.

კონფერენცია ჩატარდა ,,ბლექსის’’ და  სსიპ კოლეჯი ” ახალი ტალღა” ორგანიზებით აჭარის განათლების, კულტურისა და სპორტის სამინისტროს დაფინანსებისა და  გერმანიის საერთაშორისო თანამშრომლობის საზოგადოების (GIZ) მხარდაჭერით

გაგრძელება იქნება…💙

იხილეთ სხვა საგანმანათლებლო პროგრამები

ბოლო სიახლეები

სემინარი ავტორიზაციის სტანდარტებთან დაკაშირებით

პროფესიული საგანმანათლებლო დაწესებულებების ავტორიზაციის სტანდარების შესახებ სემინარი ჩატარდა კოლეჯში ,,ბლექსი". პროფესიული განათლების მასწავლებლებს მიეწოდათ ინფორმაციას იმ სტანდარტების შესახებ, რომლის მიხედვითაც ფასდება პროფესიული საგანმანათლებლო დაწესებულება. სემინარი რამდენიმე...

ახალი მემორანდუმი

კოლეჯ ,,ბლექსსა“ და კომპანია ,,მაქსველ ელექტრონიქს" შორის ურთიერთთანამშრომლობის მემორანდუმი გაფორმდა. მხარეები ერთმანეთთან პროფესიული მომზადების პროგრამის ,,ელექტრული მონტაჟი შენობებსა და მცირე საწარმოებში“ ითანამშრომლებენ, როგორც სწავლების ასევე...

,,ბლექსელები” ,,ბლექსელების” უნარების განვითარებისთვის

კოლეჯ ,,ბლექსის"  კურსდამთავრებულებმა, რომლებიც უკვე კომპანია ,,TV ERA''- ში არიან დასაქმებულები პრაქტიკული სასწავლო მეცადინეობა ჩაატარეს. შოთა ნაკაშიძემ და რუსლან ნინიძემ სპეციალური მოწყობილების მუშაობის სპეციფიკა აჩვენეს...

Want to stay up to date with the latest news?

We would love to hear from you! Please fill in your details and we will stay in touch. It's that simple!