WorldSkills Georgia-ს ,,ბლექსელების’’ სამი საპრიზო ადგილი

 

WorldSkills Georgia 2023 ეროვნული კონკურსის სამი საპრიზო ადგილი კოლეჯ „ბლექსიმ“ მოიპვა.  კონდიტერიის მიმართულებით პირველი ადგილი კოლეჯის პროფესიულმა სტუდენტმა თამთა დევაძემ დაიკავა. იგი საფრანგეთში 2024 წელს, ქალაქ ლიონში, WorldSkills WORLD-ზე გაემგზავრება.

კულინარის მიმართულებით მეორე ადგილი ლაშა წოწონავამ (წარმდგენი Batumi Redisson Blue) ,  მესამე ადგილი კი  ლუკა აბაშიძემ დაიკავა. გამარჯვებულთა  მენტორები პროფესიული განათლების მასწავლებლები: მამუკა მელაძე, ნათია მესხორაძე, კესო დონაძე.

კონკურსი კულინარიის, კონდიტერიისა და ვებტექნოლოგიების მიმართულებებს მოიცავდა და მასში 21-წლამდე ახალგაზრდები მონაწილეობდნენ – პროფესიული საგანმანათლებლო პროგრამების სტუდენტები, კურსდამთავრებულები და კომპანიებში დასაქმებული და თვითდასაქმებული პირები.

კონკურსის დაჯილდოების ცერემონიაზე სიტყვით გამოსვლისას გიორგი ამილახვარმა პროფესიული განათლების განვითარების მხარდაჭერის მნიშვნელობაზე გაამახვილა ყურადღება. მისი თქმით, ამ მიმართულებით განსაკუთრებით მნიშვნელოვანია მსგავსი მასშტაბური კონკურსების ჩატარება, რაც ახალგაზრდებს შესაძლებლობას აძლევს, გაიზიარონ საერთაშორისო გამოცდილება და გაეცნონ თანამედროვე მიღწევებსა და გამოგონებებს. მან ახალგაზრდებს კონკურსში გამარჯვება მიულოცა და წარმატებები უსურვა.

საქართველოს კონკურსში გამარჯვებულები მონაწილეობას მიიღებენ WorldSkills-ის რიგით 47-ე საერთაშორისო კონკურსზე, რომელიც 2024 წელის 10-15 სექტემბერს საფრანგეთში, ქალაქ ლიონში გაიმართება.

WorldSkills Georgia განათლების სამინისტროსა და განათლების ხარისხის განვითარების ეროვნული ცენტრის ერთობლივი პროექტია, რომლის მიზანია საქართველოში პროფესიული განათლების პოპულარიზაცია, ხარისხის გაუმჯობესება და საერთაშორისო სტანდარტებთან დაახლოება.

WorldSkills-ის კონკურსს საფუძველი 1946 წელს ჩაეყარა. პროფესიული უნარების საერთაშორისო კონკურსი 85 ქვეყანას აერთიანებს და მისი მიზანია განსაკუთრებული უნარების მქონე ნიჭიერი ახალგაზრდების გამოვლენა და მათი შესაძლებლობების აღიარება.

საქართველო WorldSkills-ს 2012 წელს შეუერთდა და ასევე არის WorldSkills International-ის წევრი – საქართველოს გუნდმა სამჯერ მიიღო მონაწილეობა საერთაშორისო შეჯიბრებაში.

WorldSkills International-ის მისიაა ხელი შეუწყოს მსოფლიოში პროფესიული უნარებისა და კომპეტენციების მაღალი სტანდარტების განვითარებას, პროფესიული განათლების პოპულარიზაციასა და ამ კუთხით, საზოგადოების ცნობიერების ამაღლებას.

იხილეთ სხვა საგანმანათლებლო პროგრამები

ბოლო სიახლეები

“უვიზოდ ევროპაში”, IOM-ის საინფორმაციო შეხვედრა “ბლექსიში”

ევროკავშირში უვიზოდ მიმოსვლის წესებისა და უსაფრთხო მიგრაციის თემებზე IOM-ის წარმომადგენელმა საინფორმაციო შეხვედრა გამართა კოლეჯ „ბლექსიში“. მიგრაციის საერთაშორისო ორგანიზაციის ბათუმის ოფისის კოორდინატორმა  პროფესიულ სტუდენტებს ინფორმირებული...

კოლეჯ “ბლექსის” და ბიზნეს ასოციაციის ერთობლივი პროგარამა

კოლეჯი „ბლექსი“ ნ ერთად ჰიდროელექტროსადგურის ოპერატორის მოსამზადებელი სასწავლო პროგრამის შემუშავებას და დანერგვას იწყებს. ენერგეტიკის სექტორში კადრების მომზადების შესახებ  პირველი სამუშაო შეხვედრა უკვე გაიმართა. პროექტს...

კოლეჯ „ბლექსის“ პროფესიული სტუდენტი “ენერგო-პრო ჯორჯია”-ს სტიპენდიანტია

კოლეჯ „ბლექსის“ პროფესიული სტუდენტი ნიკა აბულაძე ენერგო-პრო ჯორჯია • Energo-Pro Georgia -ს სტიპენდიანტი გახდა. ნიკა პროფესიულ საგანმანათლებლო პროგრამაზე „ელექტროობაზე“ სწავლობს.  ნიკა კომპანიამ რამდენიმე პროფესიულ...

Want to stay up to date with the latest news?

We would love to hear from you! Please fill in your details and we will stay in touch. It's that simple!