კოლეჯში “ბლექსი“ 2013 წლიდან მიმდინარეობს ინკლუზიური პროფესიული განათლება. სამიზნე ჯგუფი მოიცავს შშმ/სსსმ პირებს. სერვისის მიზანია სოციალური ინკლუზიის, ინდივიდის პიროვნული და პროფესიული  განვითარების ხელშეწყობა.

სერვისი მნიშვნელოვანია სსსმ/შშმ პირების კვალიფიკაციის მიღებისთვის, აკადემიური და პროფესიული უნარების გაძლიერებისთვის, მათი ინტეგრაციისა და სამომავლო დასაქმებისთვის.

პროფესიულ საგანმანათლებლო დაწესებულებაში მიმდინარეობს შშმ/სსსმ პირების უზრუნველყოფა სწავლისათვის საჭირო დამატებითი სპეციალისტების მომსახურებით და სხვადასხვა   მატერიალური რესურსით.

   ინკლუზიური პროფესიული განათლების პროცესში ჩართული მხარდამჭერი სპეციალისტები:

• ინკლუზიური პროფესიული განათლების სპეციალისტი
• სასწავლო პროცესის ასისტენტი
• ჟესტური ენის თარჯიმანი
• მობილობა-ორიენტაციის ტრენერი
• ინდივიდუალური ასისტენტი

აღსანიშნავია, რომ 2013 წლიდან დღემდე კოლეჯში ჩაირიცხა 119 სსსმ პროფესიული სტუდენტი, სწავლა დაასრულა 105-მა პროფესიულმა სტუდენტმა.

   სპეციალური საგანმანათლებლო საჭიროების მქონე აპლიკანტთა პროგრამაზე ჩარიცხვის პროცედურები:

• • რეგისტრაცია vet.emis.ge
  • მულტიდისციპლინური გუნდის მიერ სსსმ პირის შეფასება
  • პრაქტიკული მოსინჯვა
  • პროგრამის არჩევა
  • დაწესებულებაში ჩარიცხვა