სსიპ კოლეჯი “ბლექსი” აცხადებს ვაკანსიას იურისტის პოზიციაზე.
მისამართი – ბათუმი, მ. ლერმონტოვის ქ. N92ა
განცხადების პერიოდი – 18.11.2024 – 30.11.2024
თანამდებობრივი სარგო – 1690 ლარი
ადგილების რაოდენობა – 1
სამუშაოს ტიპი – სრული განაკვეთი
ფუნქცია მოვალეობები:
** ორგანიზაციის პოლიტიკის, მიზნებისა და კანონმდებლობის შესაბამისად კოლეჯის დირექტორის ინდივიდუალურ ადმინისტრაციულ-სამართლებრივი აქტების, კოლეჯის სამართლებრივი რეგულირების წესების პროექტების მომზადების პროცესში მონაწილეობის მიღება და სამართლებრივი ექსპერტიზის განხორციელება;
** კოლეჯის დირექტორის ინდივიდუალურ ადმინისტრაციულ – სამართლებრივი აქტების კანონმდებლობასთან შესაბამისობაში მოყვანა და სამართლებრივი მიზანშეწონილობის შეფასება;
** დირექტორისთვის სხვადასხვა საკითხებთან დაკავშირებული დასკვნების და მოსაზრებების მომზადება და წარდგენა;
** მონაწილეობა ზემდგომი ორგანოებიდან მიღებული დოკუმენტების და კოლეჯში შემოსული იურიდიულ – სამართლებრივი ხასიათის განცხადება – საჩივრების შესწავლასა და განხილვაში. შესაბამისი დასკვნების და რეკომენდაციების მომზადება და ხელმძღვანელობისთვის წარდგენა;
** კოლეჯის საქმიანობიდან გამომდინარე, გასაფორმებელი ხელშეკრულების/მემორანდუმის პროექტის მომზადება ან/და შეთანხმება და სამართლებრივი ექსპერტიზა;
** შრომითი ხელშეკრულებების შაბლონების მომზადება და ადამიანური რესურსების მართვისა და განვითარების მენეჯერისთვის მიწოდება;
** სასწავლო ხელშეკრულებების მომზადება კოლეჯის პროფესიულ სტუდენტებთან/მსმენელებთან ან წარმომადგენლებთან;
** დირექტორის მიერ გაცემული რწმუნების (მინდობილობის) საფუძველზე კოლეჯის ინტერესების დაცვა სასამართლოში და სხვა სტრუქტურებში. საჭირო ინფორმაციის დაუყოვნებლივ წარდგენა კოლეჯის ხელმძღვანელობისთვის;
** კოლეჯის ინფორმაციულ-ანალიტიკური უზრუნველყოფა საქართველოსა და აჭარის ავტონომიური რესპუბლიკის საკანონმდებლო და კანონმქვემდებარე აქტების თაობაზე;
** საჭიროებისამებრ, კოლეჯის თანამშრომლების და პროფესიული სტუდენტების, მსმენელების სამართლებრივი კონსულტირება;
** კოლეჯის თანამშრომელთა დანიშვნის, გადაყვანის, დაწინაურების, გათავისუფლების, შვებულების, მივლინების, წახალისების და დისციპლინური პასუხისმგებლობის ზომის შეფასების შესახებ და სხვა. ** ინდივიდუალური ადმინისტრაციულ-სამართლებრივი აქტების შაბლონების მომზადება;
** საჯარო ინფორმაციის გაცემაზე უფლებამოსილი პირის კონსულტირება;
** საჭიროებისამებრ კოლეჯის დირექტორის ცალკეული დავალებების შესრულება;
** მოქმედი კანონმდებლობით, კოლეჯის წესდებით, შინაგანაწესით გათვალისწინებული სხვა კომპეტენციას მიკუთვნებულ საკითხების სამართლებრივი უზრუნველყოფა.
განათლება: აკადემიური უმაღლესი განათლება (მაგისტრი ან მაგისტრთან გათანაბრებული)
მუშაობის გამოცდილება: სასურველია პროფესიით ერთწლიანი სამუშაო გამოცდილება.
საკვალიფიკაციო მოთხოვნა:
საფუძვლიანად უნდა იცნობდეს შემდეგ სამართლებრივ რეგულაციებს:
** საქართველოს კანონს “პროფესიული განათლების შესახებ” და აღნიშნული კანონით განსაზღვრულ სისტემასთან დაკავშირებულ ყველა ძირითად რეგულაციას;
** საქართველოს ორგანულ კანონს – შრომის კოდექსი;
** საქართველოს ორგანული კანონი – ზოგადი ადმინისტრაციული კოდექსი.
დამატებითი ცოდნა:
აუცილებელია კომპიუტერული საოფისე პროგრამების კარგად ცოდნა.
დამატებითი ინფორმაცია – ვაკანტურ თანამდებობაზე ვერ დაინიშნება პირი, რომელიც ნასამართლევია “სქესობრივი თავისუფლებისა და ხელშეუხებლობის წინააღმდეგ მიმართულ დანაშაულებთან ბრძოლის შესახებ: საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის.
საგამოცდო ვადა: ვაკანტურ თანამდებობაზე დაინიშნება პირი 6 თვის საგამოცდო ვადით.
კონკურსის ეტაპები:
** განცხადების გადარჩევა
** გასაუბრება
დაკავშირება მოხდება მხოლოდ შერჩეულ კანდიდატებთან.
ვაკანსიით დაინტერესებულ კანდიდატებს შეგიძლიათ გამოგზავნოთ თქვენი რეზიუმე (CV) და დიპლომი ელექტრონულ მისამართზე: info@blacksea.edu.ge. გთხოვთ, სათაურის ველში (subject) აუცილებლად მიუთითოთ იმ ვაკანსიის დასახელება, რომელზეც შემოგაქვთ განაცხადი.
კოლეჯი “ბლექსი” მადლობას გიხდით ვაკანსიით დაინტერესებისათვის და გისურვებთ წარმატებას!
