გაგაცნობთ კოლეჯ „ბლექსის“ კურსდამთავრებულს ვაჟა ირემაძეს.
პროფესიული მომზადების პროგრამაზე „ღვინის ტექნოლოგიების მსმენელი 18 კვირის განმავლობაში სწავლობდა.
ვაჟას საოჯახო მეურნეობა აქვს. „კარგი და ხარისხიანი ღვინის დაწურვა/დავარგება, მოითხოვს ამ სფეროში მეტ ცოდნას, შესაბამისად გადავწყვიტე სწავლა და ჩავაბარე კოლეჯ „ბლექსიში“-გვიყვება ვაჟა ირემაძე.
ამბობს რომ დასაწყისში სწავლა ნაკლები მოლოდნით დაიწყო. „წარმომედგინა, რომ ქედის მუნიციპალიტეტში ვერ იქნებოდა ყველა ის შესაძლებლობა, რაც საჭირო იყო მეღვინეობის სწავლისთვის, მაგრამ შევცდი. კოლეჯი „ბლექსი“ და პროფესიული სწავლება არის შესაძლებლობა მოკლე დროში დაეუფლო პროფესიას“
სწავლის დასრულების შემდეგ ღვინის ქარხანაში მუშაობა დაიწყო, პარალელურად კი მიღებულ ცოდნას საოჯახო მეურნეობის განვითარებაში იყენებს. „სწავლა მნიშვნელოვანი და აუცილებელია იმისთვის რომ გახდე პროფესიონალი და შრომის ბაზარზე კონკურენტუნარიანი“- ამბობს კოლეჯ „ბლექსის“ კურსდამთავრებული.
სამომავლოდ ღვინის ტექნოლოგიის მიმართულებით ცოდნის მიღების გაგრძელებას აპირებს. „ამ დარგში ძლიერი მეღვინე ვიქნები“- ამბობ კოლეჯ „ბლექსის“ კურსდამთავრებული ვაჟა ირემაძე.
