განახლებადი ენერგიის სფეროში სამუშაო ძალის განვითარება და ენერგეტიკის სექტორში კადრების მომზადების შესახებ ახალი ორწლიანი პროექტი იწყება. კოლეჯი „ბლექსი“ პროექტის მონაწილე ერთ-ერთი საგანმანათლებლო დაწესებულებაა, პროექტს შუახევის მისამართზე განვახორციელებთ . პროექტს „განახლებადი ენერგიის სფეროში სამუშაო ძალის განვითარება“, საქართველოს ბიზნეს ასოციაცია განახლებადი ენერგიების განვითარების ასოციაციასთან (GREDA) პარტნიორობით განახორციელებს .
პროექტი USAID-ის პროგრამა “დამსაქმებელი პროფესიული განათლებისთვის” მხარდაჭერით განხორციელდება. თანამშრომლობის მემორანდუმს მხარეებს შორის ყაზბეგში, დარიალი ჰესსზე მოეწერა.
ორწლიანი პროგრამა ორი სასწავლო პროფესიული პროგრამის შემუშავებასა და დანერგვას ითვალისწინებს: ჰიდროელექტროსადგურის ოპერატორის მოსამზადებელი სასწავლო ტრენინგ პროგრამა;მზის ფოტოელექტრული სისტემების მონტაჟის კურსი.პროექტის დასრულების შემდეგ, 33 კვალიფიციური ტრენერი შეძლებს მიღებული ცოდნისა და გამოცდილების გაზიარებას მთელი ქვეყნის მასშტაბით , ხოლო პროგრამის პირველ ეტაპზე 250 მსურველი გადამზადდება საქართველოს 8 რეგიონში. პროექტის განხორციელებაში 8 ენერგეტიკული კომპანია და 8 პროფესიული კოლეჯი იქნება ჩართული. პროექტის ჯამური ბიუჯეტი, დაახლოებით, 1 მლნ აშშ დოლარია და იგი 2 წლის განმავლობაში გაგრძელდება. 2025 წლის ბოლომდე, ორივე პროგრამაზე 250 სტუდენტი გადამზადდება, ხოლო პროექტის დასრულების შემდეგ, ჯამში 1300 სტუდენტი.