კომპიუტერული ქსელის ადმინისტრირების პროფესიული საგანმანათლებლო პროგრამის მიზანია კომპიუტერული ქსელის ადმინისტრირების კვალიფიციური სპეციალისტის მმზადება, რომელსაც ექნება პროფესიულ საქმიანობასთან დაკავშირებული მრავალმხრივი თეორიული ცოდნა; შეეძლება ამ ცოდნის პრაქტიკაში გამოყენება, მოსალოდნელი რისკების და პრობლემის წინასწარ განსაზღვრა და მათი თავიდან აცილება, პრობლემების წარმოშობის შემტხვევაში სწრაფი ანალიზის გაკეთება და ოპერატიული რეაგირება.
სწავლის შედეგები:
პროგრამის დასრულების შემდეგ პირს შეუძლია:
• კომპიუტერული ქსელის ფიზიკური და ლოგიკური ტოპოლოგიის გამართვა;
• EIGRP და OSPF მარშრუტიზაციის პროტოკოლების კონფიგურაცია;
• გლობალური ქსელის ტექნოლოგიების განსაზღვრა;
• გამოყოფილი არხების გამართვა;
• დაშორებულ ოფისებთან წვდომის ორგანიზება;
• ქსელში შეცდომების იდენტიფიცირება/აღმოფხვრა
• SNMP და Netflow პროტოკოლების კონფიგურირება;
• წვდომის სიების (ACL) აგება და მართვა;
• ვირტუალური კერძო ქსელის აგება;
• ქსელის უსაფრთხოებასთან დაკავშირებული თანამედროვე საფრთხეების გარჩევა;
• ქსელური მოწყობილობების უსაფრთხოების უზრუნველყოფა;
• ACL(Access Control Lists)-ების გაფართოებული კონფიგურირება;
• ქსელური შეტევებისგან თავდაცვისთვის საჭირო თანამედროვე მეთოდების გარჩევა;
• ლოკალური ქსელური უსაფრთხოების უზრუნველყოფა;
• ბრენდმაუერის კონფიგურირება.
დასაქმების შესაძლებლობები:
კომპიუტერული ქსელის ადმინისტრირებაში უმაღლესი პროფესიული კვალიფიკაციის მფლობელს შეუძლია დასაქმდეს საჯარო ან კერძო სტრუქტურაში ინფორმაციული ტექნოლოგიების სფეროში, ქსელური ინფრასტრუქტურის ადმინისტრირების განხრით. აგრეთვე შეუძლია იმუშაოს ხელმძღვანელ თანამდებობაზე ან იყოს პროფესიული განათლების მასწავლებელი.