პროგრამის მიზანია მისცეს პირს შესაძლებლობა დაეუფლოს იატაკისა და ფილის სამუშაოებს. მისცეს აღნიშნული კვალიფიკაციის მიმართულებით საჭირო ცოდნა, გამოუმუშაოს შესაბამისი უნარები და კომპეტენციები, რათა შეძლოს ცოდნის პრაქტიკაში გამოყენება და იყოს მშენებლობის სფეროსათვის მაღალკვალიფიციური, კონკურენტუნარიანი კადრი.
სწავლის შედეგები:
• მოამზადოს იატაკი და კედელი მოსაპირკეთებლად;
• დაახარისხოს ფილები სხვადასხვა ფორმებად;
• დაჭრას ფილები სხვადასხვა ფორმებად;
• მოამზადოს დუღაბი და წებო-ცემენტის ნაზავი ფილებისა და მოზაიკური ფილების დასაგებად;
• დააგოს მეტლახის, გრანიტის, ვინილის ტიპის, რბილი და სხვადასხვა ზედაპირის იატაკი;
• განახორციელოს ბეტონისა და პოლიმერული სამრეწველო იატაკის მოჭიმვა;
• დაამუშაოს გამშრალი დუღაბის და ქვიშა-ცემენტის ხსნარით დამზადებული იატაკი;
• მოაწყოს ფილისქვეშა ჰიდროიზოლაცია;
• მოაწყოს იატაკი ხის მასალისგან უსაფრთხოების ნორმების დაცვით.
დასაქმების შესაძლებლობები:
იატაკისა და ფილის სამუშაოებში საბაზო პროფესიული კვალიფიკაციის მქონე პირი შეიძლება დასაქმდეს სამოქალაქო და სამრეწველო შენობა-ნაგებობების მშენებლობაზე ღია ან/და დახურულ სივრცესა და სიმაღლეზე. ის შეიძლება იყოს თვით დასაქმებული ან დასაქმდეს სხვადასხვა ტიპის სამშენებლო-სარემონტო და დიზაინერულ კომპანიებში, სახელმწიფო ან კერძო საწარმოდაწესებულებაში, რომელთა საქმიანობა დაკავშირებული იქნება შენობა-ნაგებობის მშენებლობასა ან მის რეკონსტრუქცია-გაძლიერებასთან. მას სამუშაოების შესრულება მოუწევს სხვადასხვა კლიმატის პირობებში. დასაქმების პოზიციები შესაძლებელია იყოს:
• სხვადასხვა სახის იატაკის მომწყობი;
• მომპირკეთებელი;
• ფილის დამგები;
• სამუშაო რგოლის უფროსი;
• ბრიგადის უფროსი.