საქართველოს განათლების, მეცნიერებისა და ახალგაზრდობის მინისტრი გივი მიქანაძე, მინისტრის მოადგილე ზვიად გაბისონია და აჭარის განათლებისა და სპორტის მინისტრი მაია ხაჯიშვილი კოლეჯ ,,ბლექსში” იმყოფებოდნენ.
სასწავლო ლაბორატორიები დაათვალიერეს. გაეცნენ კოლეჯის ინფრასტრუქტურას. შეხვედრა გამართეს კოლეჯის პროფესიული განათლების მასწავლებლებთან და სასწავლებლის ადმინისტრაციის წევრებთან.
შეხვედრისას საუბარი შეეხო სამომავლო გეგმებს. ასევე გაჟღერდა კოლეჯის პროფესიული განათლების მასწავლებლების მხრიდან მასწავლებელთა მობილობის შესაძლებლობები, რასაც მინისტრმა მხარი დაუჭირა.
საქართველოს განათლების, მეცნიერებისა და ახალგაზრდობის მინისტრმა მადლობა გადაუხადა პროფესიული განათლების მასწავლებლებს დარგში მიღწეული წარმატებებისთვის.