ციფრული რესურსების შემუშავების მიზნით, კონკურსის ფარგლებში, სამუშაო შეხვედრის მონაწილე იყო კოლეჯი ,,ბლექსი”. კოლეჯს პროფესიული განათლების მასწავლებელი ნინო ჩხაიძე წარმოადგენდა.
შეხვედრის ერთ-ერთი მიზანი კონკურსის გამარჯვებული პროექტების ავტორთა მჭიდრო კომუნიკაციას და სამომავლო თანამშრომლობის ჩამოყალიბებას ემსახურებოდა. შეხვედრის ფარგლებში, პროფესიული უნარების სააგენტოს წარმომადგენლებმა ავტორთა ჯგუფებს, ციფრულ საგანმანათლებლო რესურსებში საკვანძო კომპეტენციების ინტეგრირებასთან დაკავშირებით, ტრენინგი ჩაუტარეს.
მონაწილეებმა მიიღეს ექსპერტის რჩევები, H5P რესურსების შექმნის ინსტრუქციებთან და H5P რესურსების Moodle-ის პლატფორმაზე შექმნასთან დაკავშირებით, ასევე რეკომენდაციები თუ როგორ უნდა წარიმართოს მუშაობის პროცესი ციფრული რესურსების შემუშავებისას.